តស់មកដឹងប្រទេសអាស៊ីអាគ្នេយ៍ណា មានអត្តពលិកចូលរួមការប្រកួតកីឡាអូឡាំពិកក្រុងប៉ារីស ឆ្នាំ២០២៤ ច្រើនជាងគេ
កម្ពុជាជាប់ក្នុងបញ្ជីជាប្រទេសដែលមានចំនួនអត្តពលិកតិចបំផុតទី២ នៅភូមិភាគអាស៊ីអាគ្នេយ៌ ដែលមានសិទ្ធិចូលរួមប្រកួតកីឡាអូឡាំពិករដ្ឋធានីប៉ារីស ឆ្នាំ២០២៤ ខណៈប្រទេសថៃនាំមុខគេជាប្រទេសដែលមានអត្តពលិកច្រើនបំផុតនៅអាស៊ាន…។
Nick Taylor រំពឹងព្រះខ័នរាជស្វាយរៀងនឹងខ្លាំងជាងរដូវកាលមុន
ថៃ ជាប្រទេសនាំមុខគេនៅអាស៊ាន ដែលមានក្រុមអត្តពលិកមានសិទ្ធិចូលរួមប្រកួតកីឡាអូឡាំពិក នៅរដ្ឋធានីប៉ារីសសរុបចំនួន៥១នាក់ បន្ទាប់មកគឺប្រទេសឥណ្ឌូណេស៊ីមានអត្តពលិកចំនួន២៩នាក់។ ចំណែកឯប្រទេសម៉ាឡេស៊ី មានអត្តពលិកចំនួន២៦នាក់ និងសិង្ហបុរីមានអត្តពលិកចំនួន២៣នាក់។
ទន្ទឹមគ្នានេះ ហ្វីលីពីនមានអត្តពលិកចំនួន២២នាក់ ខណៈវៀតណាមមានចំនួន១៦នាក់ និងទីម័រខាងកើតមានចំនួន៤នាក់។ ដោយឡែក ប្រទេសកម្ពុជា ឡាវ និងប្រ៊ុយណេ មានអត្តពលិកចំនួន៣នាក់ដូចៗគ្នា ដែលមានសិទ្ធិសម្រាប់ចូលរួមកីឡាអូឡាំពិករដ្ឋធានីប៉ារីស ឆ្នាំ២០២៤ ស្របពេលដែលមីយ៉ាន់ម៉ាមានចំនួនត្រឹមតែ២នាក់ប៉ុណ្ណោះ។
សូមជម្រាបថា អត្តពលិករបស់កម្ពុជា នឹងប្រកួតលើប្រភេទកីឡាហែលទឹកចំនួន២នាក់ និងអត្ដពលកម្មម្នាក់។
គួរបញ្ជាក់ថា ព្រឹត្តិការណ៍នេះរៀបចំឡើងរៀងរាល់បួនឆ្នាំម្ដង ដោយផ្តោតទៅលើអត្តពលិកកំពូលរបស់ពិភពលោក ក្នុងចំណោមកីឡាក្រោម៥០ប្រភេទ។ បណ្តាប្រទេសនានា នឹងបញ្ជូនអត្តពលិកសរុបជាង១០៦៧២នាក់ ទៅប្រកួតលើកីឡាចំនួន៣២ ប្រភេទនៅកីឡាអូឡាំពិករដូវក្ដៅឆ្នាំនេះ នៅរដ្ឋធានីប៉ារីស ប្រទេសបារាំង។
ព្រឹត្តិការណ៍អូឡាំពិករដ្ឋធានីប៉ារីស ឆ្នាំ២០២៤ នឹងចាប់ផ្តើមនៅថ្ងៃពុធទី២៤ ខែកក្កដា ហើយនឹងចប់ទៅវិញនៅថ្ងៃអាទិត្យទី១១ ខែសីហា៕ព័ត៌មានកីឡាថ្មីៗប្រចាំថ្ងៃ
Comments
Post a Comment