ខ្សែបម្រើ West Ham អាចនិងត្រូវហាមឃាត់មិនឱ្យលេងបាល់ទាត់រយៈពេល 1 ទសវត្សរ៍
សមាគមបាល់ទាត់អង់គ្លេសចោទប្រកាន់ខ្សែបម្រើ Lucas Paquetá របស់ West Ham ពីសកម្មភាពភ្នាល់។ បើយោងតាមសមាគម FA ថាកីឡាករប្រេស៊ីល បានបំពានច្បាប់ FA, E5 និង F3 ។ គាត់ត្រូវបានគេចោទប្រកាន់ថាបានព្យាយាមទទួលកាតពីអាជ្ញាកណ្តាលដោយចេតនា ដើម្បីមានឥទ្ធិពលលើទីផ្សារភ្នាល់ ដោយអនុញ្ញាតឱ្យបុគ្គលម្នាក់ ឬច្រើននាក់ទទួលបានប្រាក់ចំណេញពីវា។
កីឡាករបាល់ទាត់ខ្លួនឯងមានការភ្ញាក់ផ្អើលនិងមិនយល់ស្របនឹងការចោទប្រកាន់នេះ។Lucas Paquetá ថា “ខ្ញុំពិតជាភ្ញាក់ផ្អើល និងខកចិត្តជាខ្លាំងដែល FA សម្រេចចោទប្រកាន់ខ្ញុំ។ ខ្ញុំបដិសេធទាំងស្រុងរាល់ការចោទប្រកាន់ ហើយនឹងតស៊ូរហូតដល់ទីបញ្ចប់ ដើម្បីលុបឈ្មោះរបស់ខ្ញុំ។ ដោយសារដំណើរការដែលកំពុងបន្ត ខ្ញុំនឹងមិនធ្វើការអត្ថាធិប្បាយបន្ថែមទៀតទេ»។
ក្លឹប West Ham បានគាំទ្រកីឡាកររូបនេះ ហើយបដិសេធយ៉ាងដាច់អហង្ការចំពោះកំហុសណាមួយ ដោយសន្យាថានឹងបន្តការពារតំណែងរបស់ពួកគេយ៉ាងរឹងមាំ។Hammers បាននិយាយថា “ក្លឹបនឹងបន្តគាំទ្រកីឡាករពេញមួយដំណើរការទាំងអស់ ហើយនឹងមិនធ្វើអត្ថាធិប្បាយអ្វីបន្ថែមឡើយ រហូតដល់បញ្ហានេះត្រូវបានបញ្ចប់”។កីឡាករ Paquetá ត្រូវតែឆ្លើយតបទៅនឹងការចោទប្រកាន់ត្រឹមថ្ងៃទី 3 ខែមិថុនា។
បើយោងតាមកាសែត The Daily Mail ថាប្រសិនបើខ្សែបម្រើស្លាបត្រូវបានរកឃើញថាមានកំហុសក្នុងឧប្បត្តិហេតុទាំងនេះ គាត់អាចប្រឈមមុខនឹងការពិន័យរយៈពេល 10 ឆ្នាំ ស្រដៀងទៅនឹងអ្វីដែលបានកើតឡើងចំពោះអតីតខ្សែការពាររបស់ Reading Kynan Isaac ដែលត្រូវបានហាមឃាត់មិនឱ្យលេងបាល់ទាត់រយៈពេលមួយទសវត្សរ៍។អានពត៌មានប្រចាំថ្ងៃ
Comments
Post a Comment