ក្លឹបមួយនៅក្របខ័ណ្ឌ Ligue 1 ប្រទេសបារាំងបានស្នើរទៅសហព័ន្ធឲ្យលុបប្រព័ន្ធបច្ចេកវិទ្យា VAR ចេញពីការប្រកួតលីគ

 ក្លឹបមួយនៅក្របខ័ណ្ឌ Ligue 1 ប្រទេសបារាំងបានស្នើរទៅសហព័ន្ធឲ្យលុបប្រព័ន្ធបច្ចេកវិទ្យា VAR ចេញពីការប្រកួតលីគ។

នោះគឺជាក្លឹប Brest តាមរយៈការចុះផ្សាយរបស់សារព័ត៌មានបារាំង L’Equipe បានឲ្យដឹងថា មន្ត្រីរបស់ក្លឹប Brest បានផ្ញើរលិខិតមួយទៅកាន់ប្រធាន Ligue 1 ដើម្បីទាមទារឲ្យដក VAR ចេញពីបាល់ទាត់ក្នុងប្រទេសបារាំង ដោយលិខិតមួយនេះមានការគាំទ្រពីប្រធានក្លឹប Brest ផ្ទាល់តែម្តងគឺលោក Denis Le Saint ។

រឿងរ៉ាវនេះកើតឡើងគឺដោយសារតែ កីឡាកររបស់ក្លឹប Brest Lillian Brassier ទទួលបានកាតក្រហមហើយត្រូវបណ្តេញចេញពីការប្រកួតភ្លាមៗទាំងអយុត្តិធម៌បន្ទាប់ពីលោកអាជ្ញាកណ្តាលបានពិនិត្យមើល VAR ក្នុងការប្រកួតដែលពួកគេបានចាញ់ក្លឹប Monaco 0-2 កន្លងទៅ។

បន្ទាប់ពីហេតុការណ៍នេះហើយ លោក Eric Roy ដែលជាគ្រូបង្វឹករបស់ក្លឹប Brest បានបញ្ចេញប្រតិកម្មនៅលើប្រព័ន្ធផ្សព្វផ្សាយសង្គមដោយមានការខឹងសម្បារជាខ្លាំងចំពោះ VAR ។យ៉ាងណាមិញ លិខិតមួយនេះមិនត្រូវបានគេច្រានចោលនោះទេ ពោលគឺនិងមានការប្រជុំមួយកើតឡើងរវាងសាមាជិកនៃ Ligue De Football Professional France ជាមួយនិងមន្ត្រី Ligue 1 ដើម្បីពិភាក្សាគ្នាចំពោះបណ្តឹងមួយនេះ។អានពត៌មានប្រចាំថ្ងៃ