ទោះបីចាញ់ Macarthur FC ៥-០ តែភ្នំពេញក្រោន នៅបន្តឈរលេខ ២

 ទោះបីជារងនូវការបរាជ័យយ៉ាងធ្ងន់ធ្ងរក្រោមថ្វីជើងរបស់ក្រុមម្ចាស់ផ្ទះ Macarthur FC ក្នុងលទ្ធផល ៥-០ ប៉ុន្តែក្រុមសិង្ហក្រុមភ្នំពេញក្រោន នៅតែបន្តឈរលើគេក្នុងតារាងលេខ២ល្អជាងគេប្រចាំតំបន់អាស៊ាន នៃពានរង្វាន់លំដាប់ទី២ ទ្វីបអាស៊ី AFC Cup ដដែល..។

ជាការពិតណាស់ បន្ទាប់ពីចាញ់ការប្រកួតនេះ ក្រុមសិង្ហក្រោមភ្នំពេញក្រោន ដែលដឹកនាំដោយបុរសខ្លាំងសញ្ជាតិអ៊ុយក្រែនវ័យ៣៧ឆ្នាំ លោក អូឡេក ស្តារីនស្គី (Oleg Starynskyi) បានរបូតអស់៣ពិន្ទុ និងរអិលជើងធ្លាក់ទៅលេខ២ ក្នុងពូល F វិញ ដោយមាន៩ពិន្ទុដូចគ្នានឹងក្រុម Macarthur FC ជាក្រុមឈរនៅកំពូលតារាងបណ្តោះអាសន្ន ដោយសារចាញ់គ្រាប់បាល់។

នៅក្នុងតារាងលេខ២ល្អជាងគេក្នុងតំបន់អាស៊ាន ក្រុមភ្នំពេញក្រោន ត្រូវបានក្រុម Terengganu របស់ម៉ាឡេស៊ី កំពុងតែប្រដេញតាមពីក្រោយ១ពិន្ទុ និងក្រុមហៃហ្វុង Haiphong វៀតណាម ចំនួន៣ ពិន្ទុ។ដូច្នេះ សម្រាប់ក្រុមតំណាងកម្ពុជា (ភ្នំពេញក្រោន) ចាំបាច់ត្រូវតែឈ្នះ២ប្រកួតទៀត ដើម្បីធានាកៅអីទ្បើងទៅវគ្គបន្ត នៃពានរង្វាន់លំដាប់ទី២របស់ទ្វីបអាស៊ីមួយនេះ។អានពត៌មានប្រចាំថ្ងៃ